Við komum með vélina, tengjum hana á þínum stað og kveikjum. Þá hefur vinnustaðurinn ritara, þýðanda, túlk, skjalavörð, fundarritara og vaktmann sem tala íslensku og senda aldrei eitt gagn úr landi. Engin fjárfesting í vélbúnaði, engin uppsetning hjá þér: eitt fast mánaðargjald og full GDPR-fylgni.
Þegar starfsfólk notar erlend gervigreindartól á borð við ChatGPT eða Claude fara viðkvæm gögn úr landi til netþjóna í Bandaríkjunum. Bandarísku CLOUD-lögin geta skyldað bandarísk fyrirtæki til að afhenda yfirvöldum gögn, sem stangast á við kröfur GDPR. Fyrir íslensk fyrirtæki og stofnanir sem vinna með viðkvæm gögn er það óásættanleg áhætta.
Öll gögn og öll vinnsla eru á Ulf-vélinni hjá þér eða innanlands. Ekkert fer til þriðja aðila. Byggt fyrir heilbrigðis-, lögfræði- og fjármálagögn.
Eigin líkön fínþjálfuð á íslensku, íslensk talgreining og fagorðasöfn fyrir læknisfræði og skattamál. Gæðin eru mæld í hverri útgáfu.
Spjall, málastjórn, Vaktin, Flæði, skjala- og úrlausnaleit, þýðing, túlkur, fundir, upplestur og myndasköpun í einu viðmóti, tengt öðrum kerfum um API.
SOAP-nótur, ICD-10 og mismunagreining fyrir heilbrigðisstarfsfólk. Úrlausnaleit og samningavakt fyrir lögfræðinga. VSK-yfirferð og áreiðanleikakönnun fyrir fjármál.
ULF er ekki eitt spjallviðmót heldur heil deild sem vinnur úr gögnum vinnustaðarins allan sólarhringinn. Hvert hlutverk hér að neðan er tilbúið um leið og kveikt er.
Samantektir, tímalínur, SOAP-nótur, ICD-10, mismunagreining og fjármálaúttektir með einu skástriki.
Skjalasöfn, mál í Hvelfingu og úrlausnasöfn með svörum sem vísa í skjal og blaðsíðu.
Vaktin metur skilyrði á mannamáli, Samningavakt minnir á fresti í samningum með fyrirvara.
Fundir og fyrirlestrar umritaðir á íslensku með aðgreiningu þátttakenda, beint inn í málið.
Þýðing á yfir 50 tungumál og tvíhliða rauntímatúlkur milli læknis og sjúklings.
Flæði: vistaðar fyrirspurnakeðjur keyrðar yfir allt að 100 skjöl eða línur í einu, með töflu í niðurstöðu.
Vinnsluskrá, persónuverndarstefna, öryggisráðstafanir, hagsmunamat, öryggisbrestaskýrsla og AI Act-skjöl úr stuttu viðtali.
Merktu @ulf í rás eða beinum skilaboðum og hann svarar úr málum og skjölum sem þú hefur aðgang að.
Báðar útgáfur eru áskrift með föstu mánaðargjaldi. Þú kaupir engan vélbúnað og setur ekkert upp: við sjáum um vélina, uppfærslurnar og reksturinn, þú átt gögnin.
Ulf-vél sett upp á þínum stað og rekin af okkur í áskrift.
Sama deild, hýst á íslenskum netþjónum og tilbúin samdægurs.
Sláðu inn „/“ og veldu tilbúna greiningu. ULF les málið og skilar faglegri úttekt á augabragði: almennar, læknisfræðilegar, lögfræðilegar og fjármálalegar aðgerðir, allt frá samantekt og tímalínu til SOAP-nótu, ICD-10, VSK-yfirferðar og áreiðanleikakönnunar. Stjórnendur geta bætt við eigin aðgerðum fyrir vinnustaðinn.
Hvelfingin heldur utan um mál (sjúklinga, skjólstæðinga eða dómsmál) með skráningum, skjölum, sjálfvirkri samantekt og hugtakaskýi. Faglegu greiningarnar vinna beint á gögnum hvers máls, þú spyrð gervigreindina um málið í innbyggðu spjalli, og þú getur lesið fyrir eða haldið fund beint inn í málið.
Segðu Ulf á venjulegri íslensku hvað má ekki gerast án þess að þú vitir: „Láttu mig vita ef samanlagðir tímar fara yfir 500 klst“ eða „þegar svar berst frá Orkustofnun“. Ulf endurmetur skilyrðið í hvert sinn sem eitthvað bætist við málið og sendir þér skilaboð í spjallinu um leið og það verður uppfyllt — með tengli beint í málið.
Rásir og bein skilaboð fyrir vinnustaðinn — allt innanhúss. Ulf er þátttakandi í spjallinu: merktu @ulf og hann svarar úr málum og skjalasöfnum með tilvísunum sem opna heimildina, eða spurðu @allar og hann leitar yfir öll aðgengileg mál í einu.
Skrifaðu fyrirspurnina einu sinni, vistaðu hana sem flæði og keyrðu yfir heilan bunka: umsóknir, reikninga, samninga, sjúkraskrár eða línur í töflureikni. Hvert skref getur vísað í skjalasöfn, úrlausnasöfn og mál, og niðurstaðan kemur sem tafla sem þú límir beint í Excel.
Spjallaðu við ULF um hvað sem er. Hengdu við PDF, DOCX og myndir, fáðu svör með töflum og myndritum, og skiptu um líkan með einum smelli.
ULF er sérþjálfað fyrir íslensku og skrifar lipurt fagmál. Það er ekki gallalaust, en nógu gott fyrir daglega vinnu, og leggur sig fram um að finna ekki upp orð eða staðreyndir.
Þýddu texta hratt og örugglega án þess að senda hann í erlent ský. Veldu upprunatungumál og marktungumál og fáðu náttúrulega þýðingu á augabragði, á yfir 50 tungumálum.
Brúaðu tungumálabilið í viðtali. Hver setning er umrituð og þýdd jafnóðum og birt báðum aðilum. Læknir talar íslensku, sjúklingur sitt móðurmál.
Hladdu upp PDF- og DOCX-skjölum í söfn og spurðu spurninga á mannamáli. ULF finnur svörin í þínum eigin skjölum og vísar í heimildir. Úrlausnasöfn, eins og úrskurðir yfirskattanefndar, koma tilbúin og leitin finnur fyrst rétta úrlausn og svo réttan kafla í henni.
Taktu upp eða hladdu upp hljóði og fáðu umritun á íslensku. Fundarhamur greinir á milli þátttakenda og skrifar fundargerð, og hægt er að laga greinarmerki og uppbyggingu sjálfvirkt. Sama upptaka virkar inni í máli í Hvelfingu.
ULF er hannað fyrir umhverfi þar sem persónuvernd er ekki valkvæð. Við rekum vélina, þú átt gögnin. Allt keyrir á Ulf-vélinni hjá þér eða í innlendu skýi, engin erlend skýjaþjónusta og enginn þriðji aðili.
Líkön, gögn og vinnsla eru öll á Ulf-vélinni hjá þér eða innanlands. Ulf Solo virkar jafnvel á einangruðu neti án nettengingar.
Samtöl, mál og skjöl eru geymd í dulkóðuðum gagnagrunni með sjálfvirkri afritun og endurheimt.
Innskráning með Active Directory vinnustaðarins, aðgreind gögn, opin og lokuð mál, notenda- og stjórnendahlutverk.
Kennitölur, nöfn og aðrar persónuupplýsingar yfirstrikaðar sjálfkrafa í útflutningi og um API, með íslenskum skynjurum.
Notendur, líkön, svarstillingar, eigin skástriksaðgerðir og virknisaga á einum stað fyrir stjórnendur.
Búðu til myndir út frá texta beint í viðmótinu, án skýjaþjónustu.
Viðmótið talar íslensku, ensku, norsku, sænsku, dönsku, þýsku, frönsku og fleira.
Innbyggð afritun og endurheimt með viðvörunum ef eitthvað bregst.
Flyttu mál út sem PDF, með eða án yfirstrikunar á viðkvæmu efni.
Láttu lesa svör og þýðingar upphátt með innbyggðum talgervli.
Öll samtöl vistuð, leitanleg og aðgreind fyrir hvern notanda.
Vinnsluskrá, persónuverndarstefna, öryggisráðstafanir, hagsmunamat, öryggisbrestaskýrsla og AI Act-skjöl skrifuð úr stuttu viðtali, út sem PDF eða Word.
OpenAI-samhæfð gátt: spjall, umritun, þýðing, upplestur, yfirstrikun og leit fyrir sjúkraskrár-, mála- og bókhaldskerfi vinnustaðarins.
Ulf vaktar netmöppur vinnustaðarins og les ný skjöl sjálfkrafa inn í söfn og mál.
Ný útgáfa, ný líkön og ný söfn berast á USB-lykli fyrir vélar sem mega aldrei tengjast netinu.
Fast mánaðarlegt áskriftargjald fyrir allt kerfið, óháð notkun og fjölda notenda. Engir mælar og engir óvæntir reikningar.
Við komum með vélina, tengjum hana og kveikjum. Allt kerfið er á föstu mánaðargjaldi, óháð notkun eða fjölda notenda. Hafðu samband og við förum yfir hvor útgáfan, Ulf Solo eða Ulf Net, hentar betur.
ULF